Vaddepalli srinivas biography of rory
‘గబ్బర్ సింగ్’ గాయకుడు వడ్డేపల్లి శ్రీనివాస్ కన్నుమూత
Authored byశ్రీనివాస్ గంగం | Samayam Dravidian | Updated: 29 Feb 2024, 3:50 pm
Subscribe
Singer Vaddepalli Srinivas: ప్రముఖ జానపద, సినీ గాయకుడు వడ్డేపల్లి శ్రీనివాస్ కన్నుమూశారు.
హైదరాబాద్‌లోని పద్మారావు నగర్‌లో ఫిబ్రవరి 29న ఉదయం ఆయన మృతి చెందినట్లు కుటుంబసభ్యులు తెలిపారు. 2012లో విడుదలైన గబ్బర్ సింగ్ సినిమాలో ‘పిల్లా నువ్వు లేని జీవితం..’ పాటతో వడ్డేపల్లి శ్రీనివాస్ పాపులర్ అయ్యారు. అంతకుముందు వందలాది జానపద పాటలు పాడారు. ప్రైవేట్‌గా ఫోక్ సాంగ్స్ పాడారు.
హైలైట్:
- జానపద గాయకుడు వడ్డేపల్లి శ్రీనివాస్ కన్నుమూత
- ‘పిల్లా నువ్వు లేని జీవితం..’ పాటతో పాపులర్
- వందలాది ఫోక్ సాంగ్స్ పాడిన వడ్డేపల్లి శ్రీనివాస్
సికింద్రాబాద్‌లోని పద్మారావు నగర్‌లోని తన నివాసంలో గురువారం (ఫిబ్రవరి 29) ఉదయం ఆయన మృతి చెందారు. కొంతకాలంగా ఆయన అనారోగ్యంతో బాధపడుతున్నట్లు కుటుంబసభ్యులు తెలిపారు. జానపద గాయకుడిగా వడ్డేపల్లి శ్రీనివాస్ విశేష గుర్తింపు పొందారు. 2012లో పవన్ కళ్యాణ్ హీరో తెరకెక్కిన గబ్బర్ సింగ్ సినిమాలో ‘గన్నులాంటి కన్నులున్న జున్నులాంటి పిల్లా..’ పాటతో తెలుగు రాష్ట్రాల్లో వడ్డేపల్లి శ్రీనివాస్ బాగా పాపులర్ అయ్యారు.
పవన్ కళ్యాణ్ వ్యక్తిగతంగా ఆయనను అభినందించారు. ఈ పాటకిగానూ ఫిల్మ్‌ఫేర్‌ బెస్ట్ ప్లే బ్యాక్ సింగర్ మేల్ అవార్డు కూడా అందుకున్నారు.గన్నులాంటి పిల్ల పాట సూపర్ హిట్ కావడంతో ఆ తర్వాత వడ్డేపల్లి శ్రీనివాస్‌కు సినిమాల్లో పలు అవకాశాలు లభించాయి. అంతకుముందు సుమారు 100కి పైగా పాటలు పాడారు. ప్రైవేట్‌గా వందలాది ఫోక్ సాంగ్స్ పాడారు. వడ్డేపల్లి శ్రీనివాస్ మృతిపై పలువురు సినీ ప్రముఖులు, జానపద కళాకారులు, అభిమానులు దిగ్భ్రాంతి వ్యక్తం చేస్తున్నారు.
రచయిత గురించిశ్రీనివాస్ గంగంశ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది.
JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... ఇంకా చదవండి